|
Boletíns
|
 |
|
Benvid@s
As asociacións ecoloxistas
galegas desenvolven dende hai máis de dúas décadas un importante labor de
concienciación ambiental da sociedade civil e de presión sobre as
Administracións en defensa do medio ambiente do que depende o noso benestar e a
nosa sobrevivencia. A FEDERACIÓN ECOLOXISTA GALEGA (FEG) naceu para coordinar
os esforzos das asociacións ecoloxistas do noso país.
Avogamos por un modelo de desenvolvemento ecoloxicamente sustentábel e socialmente
xusto, capaz de garantir as necesidades básicas de tódolos habitantes do noso
planeta sen destruír o ambiente. Galicia é o noso ámbito de actuación e a nosa
prioridade. Dende Galicia tamén contribuímos á defensa do medio ambiente global.
|
|
|
|
|
|
|
Domingo 5 de febreiro, roteiro pola defensa dos montes do Morrazo
O vindeiro domingo 5 de febreiro a Plataforma en Defensa
dos Montes do Morrazo organiza un roteiro polo espazo afectado polo proxecto de
parque eólico que a Xunta pretende instalar no Morrazo. O roteiro que sairá ás 10:30h desde o parque forestal de
Chan de Arquiña terá un percorrido circular duns 7 kilometros que pasará por
Chan de Xestoso, Coto do Home, Chan de Pedras Negras, Chan de Goa, Outeiro da
Charamiza e pasando outra vez por Chan de Goa chegará de novo a Chan de
Arquiña. O percorrido que discurrirá por pistas forestais é de dificultade
baixa e conta cunhas amplas vistas panorámicas sobre as rías de galegas.
| | |
|
|
Ler máis... | Data 2012-02-03 17:52:18 | |
|
|
|
|
|
|
|
|
|
A Natureza deixa en evidencia a incompetencia da Xunta na Frouxeira
 Os recentes feitos acontecidos na lagoa da Frouxeira, que esta mañán
desaugábase de xeito espontáneo pola acción do océano mentres a Xunta construía con maquinaria pesada unha canle artificial
xusto no lado oposto ao punto de desaugue, reflicten perfectamente á
actuación da administración neste caso: Improvisación, incompetencia, a
chafallada como norma, ocultación de información, falta de respecto
polas leis e o Parlamento... Nas vésperas do Día Mundial dos Humidais
(2 de febreiro), a Xunta está a ofrecer ao mundo un pésimo exemplo de
xestión destes sensibles ecosistemas e retrátase como o principal
factor para a degradación dos nosos humidais. Así as cousas, e como xa
reclamara a 36 Asemblea de ADEGA hai unhas semanas, Feijóo debería
considerar a supresión da Dirección Xeral de Conservación e o cese dos
seus responsábeis: cando menos as desfeitas que provoquen non se pagarán
con cartos públicos. .
| | |
|
|
Ler máis... | Data 2012-01-30 21:21:47 | |
|
|
|
|
|
|
|
|
|
Resultados de Coruñaves 2012 (III maratón ornitolóxica no municipio da Coruña)
 O pasado domingo día 8 de xaneiro de 2012 celebrouse a terceira edición
da maratón ornitolóxica do municipio da Coruña, organizada polo Grupo
Naturalista Hábitat co apoio de Foto Artús. Esta maratón, bautizada este
ano como Coruñaves 2012, tivo como principal obxectivo observar o maior
número de especies de aves dentro do concello herculino ao longo dunha
mañá en grupos de 2 ou 3 observadores.
.
| | |
|
|
Ler máis... | Data 2012-01-25 12:18:41 | |
|
|
|
|
|
|
|
|
|
ADEGA celebra o Día Mundial da Educación Ambiental facendo Educación Ambiental... todo un logro!
Os máis de 35 anos de actividade de ADEGA van parellos aos da historia
da Educación Ambiental (EA), que iniciouu a súa andaina aló por 1972 coa
Declaración de Estocolmo. Foi por esas datas cando decidiuse nomear o
26 de xaneiro como Día Mundial da Educación Ambiental, nun esforzo da comunidade internacional para a preservación e conservación do Planeta. Porén, como sinala a SGEA, ese esforzo está en perigo porque a EA en Galiza está a vivir un alarmante retroceso:
Brutal recorte de actividades e recursos; peche e infrautilización de
equipamentos públicos; perda de peso da EA no sistema educativo;
despedimentos na administración pública e desaparición de empresas;
desbaldimento de recursos e falta de coordenación entre
administracións... Por iso, no Día Mundial da Educación Ambiental ADEGA
propón afortalar mais ca nunca, fronte á inacción da Xunta, o papel dos
colectivos sociais na difusión da EA. .
| | |
|
|
Ler máis... | Data 2012-01-25 12:11:41 | |
|
|
|
|
|
|
|
|
|
Proliferación de proxectos de explotación mineira de granito na conca alta do río Tea
Tódolos proxectos de explotación e investigación mineira (Lebres,
Castelo e Longo) son promovidos por David Fernández Grande, INVESTROC S.L., e
afectan aos concellos de Carballeda de Avia, Covelo, Fornelos de Montes e
Melón, nas serras do Faro de Avión e do Suído, na bacía alta do espazo da rede
Natura 2000 e Lugar de Interese Comunitario, Río Tea.
| | |
|
|
Ler máis... | Data 2012-01-25 12:07:11 | |
|
|
|
|
|
|
|
|
|
Este 2 de febreiro, voltamos a mollarnos polos humidais
O día 2 de febreiro comemórase a data na que se adoptou a convención sobre os humidais en 1971. O tratado dos humidais ou convención Ramsar,
é un acordo intergobernamental que serve para a acción nacional e a
cooperación internacional en pro da conservación e o uso racional dos
humidais e os seus recursos. Os ecosistemas húmidos forman parte da
nosa riqueza natural e grazas aos humidais todos os anos recibimos
servizos por valor de millóns de euros (de xeito totalmente gratuíto).
Os humidais contribúen á nosa saúde e benestar, controlando inundacións
e repoñendo os nosos acuíferos. Estes ecosistemas estabilizan costas e
protexen ás cidades e vilas contra as treboadas, reteñen e exportan
sedimentos e nutrientes, depuran auga e son uns grandes reservorios de
biodiversidade. Este 2 de febreiro, móllate polos humidais con ADEGA!
| | |
|
|
Ler máis... | Data 2012-01-23 12:59:30 | |
|
|
|
|
|
|
|
|
|
A minicentral do Cerves é ilegal: denunciamos ante a Fiscalía
 Logo de estudar o novo proxecto para a repotenciación da minicentral hidroeléctrica do río Cerves, sita nos concellos de Melón e Ribadavia, onde enviamos as nosas consideracións para que toda a minicentral fose sometida o pertinente estudo de avaliación de impacto ambiental (algo que nunca se fixo en toda a vida desta instalación) trala súa petición de repotenciación (chuchar máis auga do río para producir máis electricidade), chegamos a conclusión de que a concesión de licencias de obra para este proxecto, dadas a finais dos 90, presenta demasiados claroscuros.
| | |
|
|
Ler máis... | Data 2012-01-19 00:57:30 | |
|
|
|
|
|
|
|
|
|
Domingo 22 de xaneiro. Roteiro ao Pico Sacro
Este domingo 22 de xaneiro temos un novo roteiro dentro do programa "Vai
de Roteiros", no que nos achegaremos ao Pico Sacro. A saída será ás
9:30 dende a Estación de Autobuses de Santiago de Compostela (entrada
superior); dende alí colleremos o autobús de liña ate Lestedo, onde
comeza a ruta (dende o cruceiro, sobre as 11:00 h.).
O roteiro ascenderá ate o alto do Pico Sacro, facendo paradas nos puntos
que polo, seu interese paisaxístico, xeomorfolóxico e/ou histórico
teñan unha maior relevancia. Para coñecer máis deste espazo, as súas
características e lendas, contaremos cun xeógrafo persoa experta en
paisaxe, alén das achegas que poidan/queiran facer os asistentes; así
mesmo, visitarase o centro de interpretación do Pico Sacro, xestionado
polo concello de Boqueixón. Faremos paradas explicativas sobre paisaxe e
impactos na comarca.
| | |
|
|
Ler máis... | Data 2012-01-16 21:29:35 | |
|
|
|
|
|
|
|
|
|
A Xunta suspende a tramitación da canteira de Gargamala
 O Grupo Ecoloxista ADENCO, que presentou en forma e prazo alegacións á intención de expropiar o monte comunal de Gargamala para facer unha canteira, recibiu comunicación da Xefatura Territorial da Xunta pola que se suspendeu a tramitación do expediente iniciado anteriormente. Ante esta situación, facendo propios os argumentos da resolución da xunta, onde se indica que hai patrimonio cultural protexido, que hai terceiros interesados nos que debería primar o interese colectivo, como son as comunidades de montes en man común e que hai outros interesados no procedemento, como a propia Xunta, ao existir monte conveniado, ADENCO solicita que se denegue definitivamente a solicitude presentada.
| | |
|
|
Ler máis... | Data 2012-01-16 21:23:02 | |
|
|
|
|
|
|
|
|
|
Cabalos con pexas, cadeas e cordas, nos montes do Morrazo
Malia as denuncias feitas nos últimos anos por
colectivos ecoloxistas, pro dereito dos animais e persoas a nivel particular
aínda persiste a práctica das pexas nas patas de cabalos asilvestrados en
réxime de gandeiría extensiva. No espazo natural dos Montes do Morrazo esta
práctica de tortura animal que os propietarios dos cabalos utilizan para
controlar a mobilidade do animal e obstaculizar así os seus movementos, segue a
verse sen dificultades en Chan de Arquiña, Chan de Xestoso, Chan de Gagán, Chan
de Pedras Negras ou no monte Pornedo...
| | |
|
|
Ler máis... | Data 2012-01-16 21:15:44 | |
|
|
|
|
|
|
Axenda
|
|
Non hai Eventos hoxe
|
|
