|
Boletíns
|
 |
|
Benvid@s
As asociacións ecoloxistas galegas desenvolven dende hai máis de dúas décadas un importante labor de concienciación ambiental da sociedade civil e de presión sobre as Administracións en defensa do medio ambiente do que depende o noso benestar e a nosa sobrevivencia. A FEDERACIÓN ECOLOXISTA GALEGA (FEG) naceu para coordinar os esforzos das asociacións ecoloxistas do noso país.
Avogamos por un modelo de desenvolvemento ecoloxicamente sustentábel e socialmente xusto, capaz de garantir as necesidades básicas de tódolos habitantes do noso planeta sen destruír o ambiente. Galicia é o noso ámbito de actuación e a nosa prioridade. Dende Galicia tamén contribuímos á defensa do medio ambiente global. |
|
Campaña de visitas aos centros escolares para dar a coñecer a Serra do Suído
Suído de Fernando Lema en Vimeo . A actividade acompáñase do reparto dun monográfico sobre o Suído, da proxección dun documental sobre o mesmo e de saídas guiadas á serra
A FEG está a visitar os centros escolares da contorna da Serra do Suído, para dar a coñecer os importantes valores ambientais e culturais que posúe este espazo natural de media montaña galega. As visitas terán lugar en A Lama, Avión, Covelo, Fornelos de Montes, Ponteareas e Pontecaldelas.
A presentación fai fincapé nos ecosistemas senlleiros da serra como as turbeiras, as matogueiras, os bosques de ribeira e as fragas. Tamén fálase de diversas especies de flora e fauna que habitan nos mesmos, como os narcisos, as orballiñas, os esfagnos, as aves de rapina e o lobo, entre moitas outras. Por outra banda, sinálase a importancia da presenza humana na serra para a súa conformación tal e como a coñecemos hoxe. Así faise un repaso dende o Paleolítico até a cultura gandeira relacionada coas construcións estacionais máis características do Suído: os chozos.
Ao mesmo tempo repártese unha revista sobre este espazo co título A Serra do Suído, no sur da Dorsal Galega, onde dun xeito detallado repásanse os aspectos máis salientábeis deste lugar. Esta publicación está realizada dun xeito moi visual e atractivo, onde as fotos e os debuxos se intercalan con diferentes textos como listaxes de especies, pequenos relatos e explicacións sobre o medio natural e sobre o seu patrimonio histórico e etnográfico. O reparto é de balde e para as persoas interesadas existe tamén unha versión dixital que se pode descargar dende as webs da FEG e da Asemblea do Suído ( www.federacionecoloxista.org e www.asembleadosuido.org).
Á vez a FEG tamén editou un pequeno documental, O Suído, que serve para achegar aínda máis os aspectos que converten ao Suído nun dos espazos de media montaña máis importantes de Galicia.
A Asemblea do Suído e a FEG propuxeron no ano 2002 directamente á UE a inclusión da Serra do Suído na rede Natura 2000. Este documento posibilitou que na actualidade a propia Xunta de Galicia inclúa á mesma na súa proposta de ampliación da rede.
Alexandre Cendón, coordinador xeral da FEG, 670858938
|
|
Plan de Xestión de residuos urbanos 2010-2020
 | Vense de presentar alegacións ao documento de inicio do Plan de Xestión de residuos urbanos 2010-2020 da Xunta de Galiza.
Este documento de alegacións foi elaborado grazas à colaboración entre
a FEG, Amigos da Terra e a Sociedade Galega de Educación Ambiental
(SGEA).
O documento consta de dazaoito puntos cos que se quere mellorar no
documento que se está a elaborar. Estes puntos van acompañados de dous
anexos polos que se analizan a Educación ambiental como ferramenta de
xestión e outro anexo, no que se reflexiona de como se habería
establecer unha participación ciudadá |
|
|
A Pegada Ecolóxica. a Exposición
 | Coa intención de poder valorar a degradación medioambiental derivada das actividades humanas xurde a Pegada Ecolóxica (PE) como un indicador de sustentabilidade
En Galiza atopámonos cos seguintes datos:
* Capacidade de carga= 1,1ha/hab
* Pegada ecolóxica = 6,26ha/hab
Isto supón un Déficit Ecolóxico de 5,15ha/hab
Precisariamos 5 Galizas máis para ser autosuficientes ou sustentables
A FEG e a SGEA ven de realizar unha exposición para explicar o que é a Pegada Ecolóxica, e cal é a pegada que estamos a deixar sobre o planeta. |
|
|
|
|
|
|
|
''Benvido Míster Átomo'': refugallos nucleares por postos de traballo
 29 de xaneiro de 2010. Estes días, o ministerio de Industria vai pechar o concurso para que os concellos que o desexen opten ao Almacén Temporal Centralizado (ATC) para os refugallos das nucleares. A imprevisión do lobby nuclear e a complicidade do governo que pasou da moratoria ao "xa veremos" (velaí prórroga de actividade de Garoña) están detrás dunha bochornosa carreira na que os concellos rifan por acoller o ATC co engado dos cartos e os postos de traballo. ADEGA insiste na necesidade de abandonar a enerxía nuclear e poñer data de caducidade ás centrais actuais. As empresas deben ser as responsábeis de xestionar os seus refugallos onde os producen e non socializar os riscos e custos do seu tratamento. E aproveitamos para lembrar ao Sr. Blanco que Galiza foi declarada por unanimidade dos tres grupos territorio desnuclearizado.
| | |
|
|
Ler máis... | Data 2010-02-01 17:25:00 | |
|
|
|
|
|
|
|
|
|
Convocatorias: convenio Universidade de Vigo-Vaipolorío
 Vaipolorío asinou un convenio de cooperación educativa coa Universidade de Vigo para que alumnos desta Universidade realicen prácticas preprofesionales no Río dos Gafos.
| | |
|
|
Ler máis... | Convocatorias | Data 2010-02-01 17:20:00 | |
|
|
|
|
|
|
|
|
|
Denuncia: A APDR PREOCUPALLE A CONSTRUCCIÓN DUN PASEO MARÍTIMO NO ESPAZO UMIA-GROVE
O Concello do Grove e a Secretaría Provincial de Costas, seguen a tramitar un proxecto no que se planifica unha intervención en espazo protexido que provocará un forte impacto ambiental e paisaxístico e ao que xa teñen amosado o seu rexeitamento cidadáns e grupos de defensa ambiental. Trátase de construír un paseo marítimo constituído por unha estrutura de madeira entre a poboación de San Vicente e O Carreiro, sobre sistemas naturais que posúen importantes valores ecolóxicos e paisaxísticos que, dada a súa vulnerabilidade, están amparados por dúas figuras de protección
| | |
|
|
Ler máis... | Denuncia | Data 2010-02-01 17:00:00 | |
|
|
|
|
|
|
|
|
|
ADEGA pide a Feijóo que prorrogue a moratoria dos 500 m mentres non se aproba o POL
 25 de xaneiro de 2010. A Xunta vén de apresentar hoxe o Plano do Litoral, documento non estará aprobado até finais deste ano. En consecuencia, Feijóo debería prorrogar a moratoria dos 500 m establecida na Lei de Medidas Urxentes que vence en maio xa que non se cumpren as premisas que xustifican esta medida cautelar: que os concellos costeiros teñan os seus PXOMs adatados á Lei do Solo de 2002 (só Vigo, A Pobra do Caramiñal e Laxe fixeron os deberes) ou que a Xunta aprobe o Plano do Litoral. Calquera outra decisión, como "levantamentos parciais" en determinados concellos sen ter aprobada a norma non sería máis que a continuación do "ti vai facendo" e reinstauraría a discrecionalidade, o amiguismo e a corrupción, denunciados polo Parlamento Europeo no seu Informe Auken.
| | |
|
|
Ler máis... | Data 2010-02-01 12:05:00 | |
|
|
|
|
|
|
|
|
|
Denuncia: PLADEVER E A FEG ESIXEN A RESTAURACIÓN DO DANO FEITO POLA CENTRAL DA RAMALLAL
 DENUNCIAMOS QUE O DESVÍO DO LEITO É ILEGAL, E SALIENTAMOS A GRAVIDADE DO FEITO, POIS NIN SEQUERA SE CONTEMPLABA NO PROXECTO NIN NA “DIA”
PLADEVER E A FEG DEFENDEN QUE A ÚNICA FORMA DE RESOLVER O PROBLEMA DO DESVÍO ILEGAL DO RÍO VERDUGO NA RAMALLAL, É REPOÑENDO O LEITO DO RÍO AO SEU ESTADO ORIXINAL
| | |
|
|
Ler máis... | Denuncia | Data 2010-02-01 12:00:00 | |
|
|
|
|
|
|
Axenda
|
|
Non hai Eventos hoxe
|
|
