|
Boletíns
|
 |
|
Benvid@s
As asociacións ecoloxistas
galegas desenvolven dende hai máis de dúas décadas un importante labor de
concienciación ambiental da sociedade civil e de presión sobre as
Administracións en defensa do medio ambiente do que depende o noso benestar e a
nosa sobrevivencia. A FEDERACIÓN ECOLOXISTA GALEGA (FEG) naceu para coordinar
os esforzos das asociacións ecoloxistas do noso país.
Avogamos por un modelo de desenvolvemento ecoloxicamente sustentábel e socialmente
xusto, capaz de garantir as necesidades básicas de tódolos habitantes do noso
planeta sen destruír o ambiente. Galicia é o noso ámbito de actuación e a nosa
prioridade. Dende Galicia tamén contribuímos á defensa do medio ambiente global.
|
|
|
|
|
|
|
Reposta as declaracións de ENCE ante as masivas fumigacións aéreas que só na provincia de Pontevedra afectaría a 51 Concellos
A Asociación Pola
Defensa da Ría (APDR) considera irresponsábeis e falsas ás declaracións
vertidas por ENCE o derradeiro luns (1) nas que defende as fumigacións aéreas
masivas a nivel galego nas que segundo datos da empresa Fitoaragón S.L só na provincia de Pontevedra afectaría a 51
concellos. Cando alude a legalidade do biocida “Cascade” esquece
interesadamente que a Comisión Europea
o derradeiro 9 de febreiro de
2012, tras varias disposicións
anteriores nesa liña, prohibiu a comercialización do flufenoxurón, o principio activo deste
biocida, a partir do 1 de agosto deste
ano por ser TÓXICO, PERSISTENTE,
BIOACUMULÁBEL E DE ELEVADO RISCO ACUÁTICO.
| | |
|
|
Ler máis... | Data 2012-05-16 13:54:02 | |
|
|
|
|
|
|
|
|
|
Alegacións ó Documento de Inicio da AAE do Plan Sectorial de Infraestruturas da Xunta de Galicia xestionadas por RETEGAL
A Plataforma en Defensa dos Montes do Morrazo vén de presentar no
rexistro da Consellaría de Medio Ambiente, Territorio e Infraestruturas
os seus comentarios ao Documento de Inicio da Avaliación Ambiental
Estratéxica do Plan Sectorial de Infraestruturas da Xunta de Galicia
xestionadas por RETEGAL. Anexamos arquivo cos comentarios presentados ao
documento... Estando
a información pública a Avaliación Ambiental Estratéxica (AAE) do Plan
Sectorial de Implantación e Desenvolvemento das Infraestruturas da Xunta de
Galicia xestionadas por RETEGAL a través do Documento de Inicio, formula os
seguintes COMENTARIOS;
| | |
|
|
Ler máis... | Data 2012-05-16 13:38:15 | |
|
|
|
|
|
|
|
|
|
Segunda edición dos concursos de fotografía e relatos polo territorio: Participa!
 Dentro da campaña “PONTE NO MEDIO, MÓVETE POLO TERRITORIO”, cuxo lanzamento tivo lugar o 16 de abril do pasado ano en Compostela, e débido ao éxito da primeira edición, ADEGA convoca de novo os concursos de fotografías e de relatos para que a sociedade retrate o estado actual do territorio galego a través da imaxe e da palabra. Ambos os dous concursos están patrocinados pola Área de Cultura e Deporte da Vicepresidencia Primeira da Deputación de Lugo. Estes concursos pretenden facer participativa á cidadanía na reivindicación dun ordenamento territorial sustentábel para frear as ansias especulativas sobre o territorio, e na que se propoñan alternativas máis coherentes coa defensa ambiental, coa cohesión social e coa posta en valor do noso patrimonio cultural. O para enviar orixinais remata o 1 de outubro. .
| | |
|
|
Ler máis... | Data 2012-05-16 13:31:37 | |
|
|
|
|
|
|
|
|
|
APDR alerta aos Concellos e comunidades de montes da comarca de pontevedra o perigo das fumigacións tóxicas en 51 Concellos
A Asociación Pola Defensa da Ría (APDR), membro da Federación Ecoloxista Galega e da Plataforma contra as Fumigacións, ven de solicitar aos concellos da comarca de Pontevedra que se sitúen publicamente contra as fumigacións aéreas programadas co biocida “Cascade” consideradas prexudiciais no ecosistema, na saúde das persoas, nos sectores produtivos como a apicultura e a agricultura e na destrución do emprego e da actividade económica local. Así mesmo xa
informou ás comunidades de montes en man común da bisbarra de Pontevedra
alertando da programación de ditas fumigacións tóxicas.
| | |
|
|
Ler máis... | Data 2012-05-16 13:27:09 | |
|
|
|
|
|
|
|
|
|
ADEGA solicita que a Cova de Eirós sexa a primeira en ser declarada BIC e preservala dunha canteira
 ADEGA vén de solicitar a declaración de BIC (Ben de Interese Cultural) para a Cova de Eirós do Concello de Triacastela nas dependencias da Dirección Xeral de Patrimonio Cultural da Consellaría de Educación e Cultura. Esta cova da montaña oriental garda restos arqueolóxicos e paleontolóxicos de grande valor para reconstruír a historia de Galiza dos últimos 100.000 anos; pese a iso, pode estar en risco, ao atoparse no medio dunha explotación de pedra calcaria cuxa concesión chega sobre a vertical da entrada á cavidade. De saír adiante esta petición, sería a primeira cova galega en adquirir o rango de BIC.
| | |
|
|
Ler máis... | Data 2012-05-16 13:16:47 | |
|
|
|
|
|
|
|
|
|
Denuncia ante Augas de Galicia contra O Talaso de Oia (Balneario Del Atlántico S.L) por vertidos continuados ó litoral.
 A empresa ,BALNEARIO DEL ATLÁNTICO S.L
, autorizada por Augas de Galicia para o vertido de augas residuais do
Complexo hoteleiro, estaba condicionada a unha serie de requisitos que
foron e continúan a ser amplamente infrinxidos pola sociedade mercantil. Entre
os incumprimentos destacan a falta de tratamento de depuración das
augas fecais, que superan os valores límites de contaminación da
autorización; a non coincidencia entre o punto autorizado de vertido
(mar adentro) e o punto real de vertedura (no litoral visible) -cunha
diferenza de máis de 400 m entre un punto e outro-; a non garantía da
calidade da auga do vertido; e o claro dano ambiental provocado na zona
pola continuidade dos vertidos contaminantes.
| | |
|
|
Ler máis... | Data 2012-05-16 13:11:23 | |
|
|
|
|
|
|
|
|
|
No que vai de ano a Xunta soterrou no macrovertedoiro de SOGAMA máis de 42 millóns de €
 A crise semella que non existe para os residuos. Da pregoada austeridade
que a Xunta aplica a servizos e dereitos públicos queda fóra SOGAMA. A
empresa leva chuchado no que vai de ano 61.636.644,46€ (sen IVE e sen
contar salarios do persoal e directivos), dos cais 42.580.033€ (case o
70%) "investíronse" en manter e ampliar o monstroso vertedoiro da
Areosa. A máis recente inxección de cartos públicos, 38.074.033€, foi
aprobada por Feijóo no último consello da Xunta para "xestionar" a
primeira fase da ampliación do vertedoiro e contar con "espazo suficiente para procesar 1.260.000 toneladas de lixo".
Para ADEGA isto vén a refrendar novamente o fracaso do modelo SOGAMA
baseado na incineración, un buraco negro ambiental e económico que en
2011 xa devorou 253 millóns de € e este ano leva camiño de bater este
récord. Este é o "horizonte tranquilo e despexado" ao que se referíu Feijóo para vender esta medida.
| | |
|
|
Ler máis... | Data 2012-05-16 13:03:50 | |
|
|
|
|
|
|
|
|
|
Denunciamos a campaña de fumigacións masivas de eucalipto con medios aéreos
A Plataforma en Defensa
dos Montes do Morrazo denuncia a campaña de fumigacións masivas de
eucalipto con medios aéreos que a Asociación Española de
Fabricantes de Pasta, Papel y Cartón (ASPAPEL), na que está integrada ENCE, coa colaboración da
transnacional química BASF, outras entidades (Mesa da Madeira, Asociación Forestal de Galicia, PROMAFOZ, Areeiro, Ecología y Espacio SL, Fitoaragón SL,...) e a connivencia da Xunta (Secretaría
xeral do Medio rural e Montes) pretende levar a cabo por todo o
territorio galego e en especial por varias zonas do espazo natural
dos Montes do Morrazo mais as áreas naturais de Outeiro de
Campolongo, Monte Cernello, Montes de Ardán, Monte Penizas, ata os Montes de Lourizán e Salcedo e o propio LIC da Enseada de San Simón,
chegando asi mesmo ata as proximidades de varios núcleos de poboación humana
a traveso de dúas áreas circulares que se sobrepoñen de 8
kilómetros de diámetro cada unha denominadas “zonas de tratamento
químico”, onde se concentran as masas mais densas e con maior
afectación do gurgullo do eucalipto (Gonipterus scutellatus). 
| | |
|
|
Ler máis... | Data 2012-05-16 12:59:06 | |
|
|
|
|
|
|
|
|
|
III Andaina Pola Protección da Serra do Galiñeiro
A Plataforma Pola Protección da Serra do
Galiñeiro, da que forma parte Verdegaia, segue a realizar accións
de diversa índole, encamiñadas á consecución da protección
efectiva e á divulgación dos diversos valores deste prezado espazo
natural. Así, o vindeiro día 13 de maio terá lugar a III Andaina
Pola Protección da Serra do Galiñeiro que sairá ás 10:30 h. do
aparcadoiro do Campo de Fútbol da Pasaxe en Vincios
(Gondomar) e que terá un percorrido circular de arredor de 10 Km. Os días 9 e 11
de maio Verdegaia divulgará esta actividade con actos de rúa na cidade
de Vigo.
| | |
|
|
Ler máis... | Data 2012-05-07 12:58:35 | |
|
|
|
|
|
|
|
|
|
ASPAPEL e Xunta planexan fumigar sobre espazos protexidos, ríos e vilas. Mapas das localizacións
ADEGA vén de coñecer as zonas propostas por ASPAPEL para desenvolver as fumigacións dos eucaliptais co tóxico Flufenoxuron nas provincias da Coruña ( 40 localizacións), Pontevedra ( 28 sitios) e Lugo ( 1 área). Na documentación cartográfica, elaborada pola empresa Fitoaragón S.L., indícanse 69 áreas de 8 km de diámetro cada unha, denominadas "zonas de tratamento químico". Nelas localízanse as masas de eucaliptos máis densas e con maior afectación do gorgullo, mais tamén inclúen lugares habitados, cursos fluviais e mesmo espazos da Rede Natura 2000.
| | |
|
|
Ler máis... | Data 2012-05-07 12:53:22 | |
|
|
|
|
|
|
Axenda
|
|
Non hai Eventos hoxe
|
|
